आलिया भट्ट, वरुण धवन आणि सिद्धार्थ मल्होत्रा यांनी करण जोहरच्या ‘स्टुडंट ऑफ द इयर’ या चित्रपटाद्वारे चित्रपटसृष्टीत प्रवेश केला आणि रातोरात स्टार बनले. यानंतर त्याचा सिक्वेल ‘स्टुडंट ऑफ द इयर 2’ आला ज्यामध्ये टायगर श्रॉफसोबत अनन्या पांडे आणि तारा सुतारिया यांनी काम केले होते. आता तिसऱ्या भागात करण जोहर कोणाला लॉन्च करणार याची चर्चा चित्रपटसृष्टीत सुरू आहे. याबाबत वेगळी माहिती समोर आली आहे. ‘स्टुडंट ऑफ द इयर 3’ हा चित्रपट नसून वेबसिरीज अर्थात मालिका असणार आहे.
आता ओटीटीचे युग आहे. वेबसिरीज सतत येत असतात. मोठे कलाकारही आता ओटीटीकडे वळले आहेत. करण जोहरने १२ वर्षांपूर्वी ‘स्टुडंट ऑफ द इयर’ आणलेल्या चित्रपटाच्या तिसऱ्या भागाबाबत अपडेट दिले आहे. यावेळी हा चित्रपट नसून वेब सिरीज असणार आहे. यासाठी पुनित मल्होत्रा याला फायनल करण्यात आले असून रीमा माया या मालिकेचे दिग्दर्शन करणार आहेत. याचा खुलासा करण जोहरने नुकताच केला. ते म्हणाले की, आम्ही तिसरा भाग वेब सिरीज बनवण्याचा विचार करत आहोत. याचे दिग्दर्शन रीमा माया करणार आहेत .
ते म्हणाले की रीमा माया ‘स्टुडंट ऑफ द इयर’च्या डिजिटल आवृत्तीचे दिग्दर्शन माझ्या पद्धतीने करणार नाही.यामध्ये तिला पूर्ण स्वातंत्र्य असून तिने तिच्या पद्धतीने मालिका बनवावी अशी माझी इच्छा आहे.
रीमा माया या कॅटनिप प्रॉडक्शन हाऊसच्या लेखिका, दिग्दर्शक आणि सह-संस्थापक आहेत. त्या एक स्वतंत्र चित्रपट निर्मात्या आहेत, . सनडान्स फिल्म फेस्टिव्हलमध्ये ‘नॉक्चर्नल बर्गर’साठी त्यांचे कौतुक करण्यात आले होते.
