सध्या लोकसभा निवडणुकीचे वारे देशभरात वाहू लागले आहेत. यादरम्यान चित्रपटसृष्टीतले कलाकार = निवडणुकीच्या रिंगणात उतरत आहेत. अशातच अभिनेते सचिन पिळगांवकर हे लोकसभा निवडणुक लढवणार आहेत, अशी बातमी समोर आली होती शिंदे गटाकडून काही कलाकारांच्या नावाची मतदारसंघात चाचपणी सुरु असल्याचे म्हटले जात होते. मुंबईतील उत्तर पश्चिम लोकसभा मतदारसंघासाठी अभिनेते, दिग्दर्शक आणि निर्माते सचिन पिळगांवकर यांच्या नावाबाबत विचार केला जात आहे अशी चर्चा सुरू होती.
मात्र आता सचिन पिळगांवकर यांनी स्वत:च पोस्ट शेअर करुन निवडणुक लढवण्याच्या चर्चेवर मौन सोडले आहे.आणि स्पष्टीकरण देत पूर्णविराम दिला आहे.
सचिन पिळगांवकर यांनी नुकतीच फेसबुकवर एक पोस्ट शेअर करत म्हंटले आहे. की “मी लोकसभा निवडणुकीत उतरतोय ही अफवा माझ्या कानावर ही आली, आणि मी मी हसलो, एवढच सांगू शकतो की मी कोणत्याही पक्षाचा नाही, मी फक्तं आहे माझ्या प्रेक्षकांचा. 61 वर्ष आपला, सचिन पिळगांवकर”
सचिन पिळगांवकर यांच्या या पोस्टवरुन आता हे स्पष्ट झाले आहे की, सचिन पिळगांवकर हे यंदा लोकसभा निवडणुकीच्या रिंगणात उतरणार नाहीयेत.
सचिन पिळगावकर यांनी अनेक मराठी,हिंदी चित्रपटांमधून वैशिठ्यपुर्ण भूमिका करत रसिकांच्या मनात घर केले आहे. तसेच त्यांनी दिग्दर्शित केलेले मराठी चित्रपट चांगलेच लोकप्रिय झाले आहेत.
