पुणे हे विद्येचे माहेरघर समजले जाते. देशासह, राज्यातील अनेक भागांमधून विद्यार्थी पुण्यनगरीत शिकण्यासाठी येतात. मात्र विद्येचे माहेरघर असलेल्या पुण्यात एक धक्कादायक घटना घडली आहे. पुण्यात स्पर्धा परीक्षांची तयारी करण्यासाठी हजारो, लाखो विद्यार्थी येतात. पुण्यात स्पर्धा परीक्षेची तयारी करणाऱ्या तरुणीने राहत्या हॉस्टेलमध्ये गळफास घेऊन आत्महत्या केल्याची धक्कादायक घटना घडली आहे. पुण्यातील या घटनेमुळे एकच खळबळ उडाली आहे.
स्पर्धा परीक्षेची तयारी करणाऱ्या विद्यार्थिनीने आत्महत्या केल्याने एकच खळबळ उडाली आहे. पुण्याच्या गुरुवार पेठेत ही घटना घडल्याची माहिती समोर येत आहे. या प्रकरणी पोलीस ठाण्यात गुन्हा दाखल करण्यात आला आहे. या तरुणीच्या शरीरावर मारहाणीच्या खुणा असल्याचे समोर आले आहे. त्यामुळे ही हत्या आहे की आत्महत्या आहे याचा तपास पोलिसांकडून सुरु आहे.
