बॉलिवूडचा भाईजान सलमान खान (Salman Khan) हा सध्या चांगलाच चर्चेत आला आहे. कारण सलमान खानने आज (11 एप्रिल) ईदच्या (Eid) दिवशी त्याच्या चाहत्यांना मोठं सरप्राईज दिलं आहे. सलमानने नुकतीच त्याच्या आगामी चित्रपटाची घोषणा केली आहे. त्यामुळे आता त्याच्या चाहत्यांमध्ये आनंदाचे वातावरण आहे.
सलमान खान दरवर्षी ईदच्या दिवशी त्याचा नवीन चित्रपट प्रदर्शित करत असतो. पण यंदा सलमानचा कोणताही नवीन चित्रपट रिलीज झाला नाहीये. असं असलं तरी सलमानने ईदच्या या खास दिवशी त्याच्या नवीन चित्रपटाची घोषणा करत चाहत्यांना सुखद धक्का दिला आहे.
सलमानने त्याच्या नवीन ‘सिकंदर’ (Sikandar) या चित्रपटाची घोषणा केली आहे. या चित्रपटाचे पहिले पोस्टर सलमानने त्यांच्या इन्स्टाग्राम अकाऊंटवर शेअर केले आहे. या पोस्टमध्ये त्याने लिहिलं आहे की, “इस ईद ‘बडे मियां छोटे मियां’ और ‘मैदान’ देखो और अगली ईद ‘सिकंदर’ से आकर मिलो… आप सभी को ईद मुबारक!”
https://www.instagram.com/p/C5nBPT_xUcf/?utm_source=ig_web_copy_link
सध्या सलमानची ही पोस्ट चांगलीच चर्चेत असून नेटकऱ्यांनी या पोस्टवर मोठ्या लाईक्स आणि कमेंट्सचा वर्षाव केला आहे. तर सलमानच्या या नवीन चित्रपटाचे दिग्दर्शन ए.आर.मुरूगदास सिकंदर करणार आहेत. तसेच या चित्रपटाची निर्मिती साजिद नाडियादवाला करणार आहे. दरम्यान, सलमानने केलेल्या या पोस्टनंतर चाहते त्याचा हा नवीन चित्रपट पाहण्यासाठी उत्सुक झाले आहेत.
