लोकसभा निवडणुकीला (Loksabha Election 2024) काही दिवसच शिल्लक राहीले आहेत. अशातच काँग्रेसला (CCongress) पुन्हा एकदा मोठा धक्का बसला आहे. कारण कुणबी समाजाचे नेते प्रकाश मांडवकर (Prakash Mandavkar) हे पक्षाला सोडचिठ्ठी देणार आहेत. तसंच ते लवकरच भाजपमध्ये (BJP) प्रवेश करणार असल्याची माहिती मिळत आहे.
प्रकाश मांडवकर यांचा भाजप नेते रवींद्र चव्हाण यांच्या नेतृत्वाखाली पक्षप्रवेश होणार असल्याचं म्हटलं जात आहे. रत्नागिरीमध्ये आयोजित एका कार्यक्रमात प्रकाश मांडवकर हे भाजपमध्ये प्रवेश करणार आहेत. त्यामुळे हा काँग्रेसला मोठा धक्का समजला जात आहे.
प्रकाश मांडवकर यांच्याकडे राजापूर तालुका कुणबी सहकारी पतपेढीचे अध्यक्षपद आहे. तर मागच्या 32 वर्षांपासून मांडवकर काँग्रेस पक्षाकडून तालुक्यामध्ये काम करत आहेत.
