दिल्लीतील दारू घोटाळ्याप्रकरणी तेलंगणाचे माजी मुख्यमंत्री के. चंद्रशेखर राव यांच्या कन्या के. कविता या ईडी कोठडीत आहेत. सध्या त्या तिहार जेलमध्ये न्यायालयीन कोठडीत आहे. दिल्ली दारू घोटाळ्यारप्रकरणी सीबीआयने बीआरएसच्या नेत्या के. कविता यांना गुरुवारी अटक केली आहे. आज त्यांना सीबीआयने कोर्टात हजर केले. तसेच लाचखोरी प्रकरणात त्यांनी चौकशीला सहकार्य केले नाही व प्रश्नांची उत्तरे दिली नाहीत असे , सीबीआयने आपले म्हणणे मांडताना कोर्टात सांगितले.
के. कविता यांनी दिल्लीच्या दारू घोटाळ्यातील प्रकरणावर समाधानकारक उत्तरे दिली नसल्याचे सीबीआयने कोर्टात सांगितले. काल सीबीआयने ईडी कोठडीत असलेल्या बीआरएस नेत्या के. कविता यांना अटक केली होती. आज त्यांना कोर्टात हजर करण्यात आले होते. विशेष न्यायालयाची परवानगी घेतल्यानंतर सीबीआयच्या अधिकाऱ्यांनी अलीकडेच के. कविता यांची तुरुंगात चौकशी केली होती. बीआरएस नेत्याला सहआरोपी बुची बाबूच्या फोनवरून मिळालेल्या व्हॉट्सॲप चॅट्स आणि जमिनीच्या व्यवहाराशी संबंधित कागदपत्रांबद्दल चौकशी करण्यात आली.सध्या दिल्लीचे मुख्यमंत्री अरविंद केजरीवाल हे देखील ईडी कोठडीत आहेत. २१ मार्चला ईडीने त्यांना अटक केली आहे. सध्या कोर्टाने त्यांना १५ एप्रिलपर्यंत न्यायालयीन कोठडी सुनावली आहे. ईडीने के. कविता यांना १५ मार्च रोजी हैद्राबाद येथील निवासस्थानावरून अटक केली आहे.
