सध्या लोकसभा निवडणुकीच्या प्रचारासाठी उमेदवार वेगवेगळ्या पद्धतीने प्रचार करत आहेत. भाजपाने अभिनेत्री बॉलिवूड ड्रीम गर्ल हेमा मालिनी यांना दुसऱ्यांदा तिकीट लोकसभेचे तिकीट दिले आहे. हेमा मालिनी सध्या प्रचारात व्यस्त आहे. भाजपाने उत्तर प्रदेशमधील मथुरा लोकसभा मतदारसंघातून हेमा मालिनीना तिकीट दिले आहे. हेमा मालिनी यांनी आपल्या प्रचाराच्या वेळचे काही फोटोज शेअर केले आहेत. शेतात पिकांची कंपनी करताना त्यांनी काही फोटोज शेअर केले आहेत. यावर नेटकऱ्यानी अनेक प्रतिक्रिया दिल्या आहेत.
खासदार हेमा मालिनी यांनी शेतात पीक कापणी करताना काही फोटोज शेअर केले आहेत. गावातील त्या महिलाही हेमा मालिनी यांच्यासोबत शेतात पिकांची कापणी करताना दिसत आहेत. काही युजर्सनी त्यांचे कौतुक केले आहेतर काही जणांनी त्यांच्यावर टीका केली आहे.
अभिनेत्री आणि मथुरा लोकसभा मतदार संघाच्या खासदार हेमा मालिनी यांनी शेतात पिकांची कापणी करताना आपले चार फोटोज शेअर केले आहेत. काही फोटोंमध्ये त्यांच्या हातात विळा आणि कापणी केलेलं पीक असे फोटोज दिसत आहेत. फोटो शेअर करताना हेमा मालिनी यांनी “आज मी शेतात जाऊन त्या शेतकऱ्यांशी बोलले ज्यांना मी गेल्या 10 वर्षांपासून नियमित भेटत आहे. त्यांच्या सोबत मला पाहून त्यांना आनंद झाला. त्यांच्या आग्रहास्तव काही फोटो काढले” असे हेमा मालिनी यांनी सांगितले.
