Maharashtra Weather Update : सध्या संपूर्ण राज्यात उन्हाचा तडाखा बसत आहे, त्यामुळे जनता चांगलीच हैराण झाली आहे. एकिकडे उन्हाचा चटका वाढत असताना दुसरीकडे अवकाळी पावसाचं संकट कायम आहे. कारण आज मध्य महाराष्ट्र, मराठवाड्यात विजांसह अवकाळी पावसाचा (Rain) अंदाज वर्तवण्यात आला आहे. तसंच हवामान विभागानं काही जिल्ह्यांना यलो अलर्ज कारी केला आहे.
पुढील 24 तासांमध्ये लातूर, सोलापूर, बीड आणि उस्मानाबाद या भागात अवकाळी पावसाची शक्यता आहे. त्यामुळे हवामान विभागानं विदर्भ आणि पश्चिम महाराष्ट्रासाठी पुढील दोन दिवस यलो अलर्ट जारी केला आहे.
हवामान विभागानं 16 आणि 17 एप्रिलला सांगली, सोलापूर आणि उस्मानाबाद या जिल्ह्यांना पावसाचा यलो अलर्ट दिला आहे. तसंच विदर्भातील काही जिल्ह्यांमध्ये वीज, वादळी वाऱ्यासह हलक्या पावसाची शक्यता आहे.
