ऑस्ट्रेलिया देशातील सिडनी येथे वेकले येथील चर्चमध्ये एक प्रवचन समारंभ आयोजित करण्यात आला होता. या समारंभात धार्मिक कार्यक्रमामध्ये एका बिशपसह इतर अनेकांवर चाकूने वार करण्यात आल्याचे वृत्त रॉयटर्सने अधिकाऱ्यांच्या हवाल्याने म्हटले आहे. ही घटना सोमवारी रात्री घडली, याला पोलिसांनी दुजोरा दिला आहे. या हल्ल्यात एका व्यक्तीला अटक करण्यात आली आहे. पोलीस सध्या या घटनेची चौकशी करत आहेत. याबाबतचे वृत्त रॉयटर्सने दिले आहे.
https://twitter.com/TRobinsonNewEra/status/1779842467723985284?t=5o8PDE-l2LuCoEXZiF-7oA&s=08
सोशल मीडियावर व्हायरल झालेल्या व्हिडिओत एक व्यक्ती बिशपवर हल्ला करताना आणि चाकू मारताना दिसत आहे. घटनास्थळी उपस्थित असलेल्यानी बिशपला वाचवण्याचे प्रयत्न केला. मात्र हल्लेखोर वारंवार चाकूचे वार करतच होता. जखमी व्यक्तींना जीवघेण्या जखमा झाल्या असल्या तरी त्यांना पॅरामेडिक्सकडून वैद्यकीय उपचार मिळत आहेत, असे पोलिसांनी सांगितले.
