पुढील दोन तासांत पुण्यात वादळी वाऱ्यांसह पावसाची शक्यता; नागरिकांना काळजी घेण्याचे आवाहन

राज्यातील वातावरणात सध्या अनेक बदल पाहायला मिळत आहेत. कुठे अवकाळी पाऊस, तर कुठे कडक उन्हाळा. त्यामुळे नागरिकांना थोडा त्रास होत आहे. अवकाळी पावसामुळे शेतकरी राजा संकटात सापडला आहे. आज अचानक पुणे शहरात देखील वरुणराजाने हजेरी लावली आहे. गेले काही दिवस पुणे शहरात कडक उन्हाळा जाणवत होता. दरम्यान आज पुणे शहरात वादळी वारे, विजा, गारांसह काही ठिकाणी मुसळधार सरींची शक्यता वर्तविण्यात आली आहे. दरम्यान नागरिकांनी झाडाखाली थांबू नये. तसेच सुरक्षित ठिकाणी आसरा घ्यावा असे आवाहन करण्यात आले आहे.