PM Narendra Modi – Raj Thackeray : गुढीपाडवा मेळाव्यात मनसे अध्यक्ष राज ठाकरे यांनी लोकसभा निवडणुकीसाठी महायुतीला जाहीर पाठिंबा दिला होता. तसेच त्यांनी जनतेला पंतप्रधान नरेंद्र मोदी यांना निवडून आणण्याचे आवाहन केले आहे. अशातच आता लवकरच पंतप्रधान नरेंद्र मोदी आणि राज ठाकरे लवकरच एकाच मंचावर दिसणार आहेत.
राज ठाकरे आणि पंतप्रधान मोदी एकाच मंचावर दिसणार आहे. लवकरच ठाकरे आणि मोदींची जाहीर सभा मुंबईतील शिवाजी पार्क मैदानावर होणार आहे, अशी माहिती अमित ठाकरे यांनी दिली आहे. ते पुण्यात प्रसार माध्यमांशी बोलत होते.
दरम्यान, अमित ठाकरे हे प्रभाग निहाय बैठका घेत आहेत. तसेच राज ठाकरेंनी महायुतीला पाठिंबा देण्याचे आवाहन केले असून त्यासाठी पदाधिकाऱ्यांना सूचना करण्यात आल्या आहेत. तर महायुतीचे काम करण्यासंदर्भात आढावा घेऊन पदाधिकाऱ्यांना सूचना देण्यात आल्या आहेत.
