Amit Shah : शुक्रवारी (19 एप्रिल) म्हणजेच उद्या लोकसभा निवडणुकीच्या (Loksabha Election 2024) पहिल्या टप्प्यासाठी मतदान होणार आहे. त्यामुळे सर्व पक्षांनी जोरदार शक्तिप्रदर्शन करण्यास सुरूवात केली आहे. यामध्ये आता गृहमंत्री अमित शाह (Amit Shah) यांनी साणंदमध्ये रोड शो करत जोरदार शक्तीप्रदर्शन केले. यावेळी या रोड शोमध्ये लोकांची मोठ्या प्रमाणात गर्दी होती.
अमित शाह यांच्या या रोड शोसाठी खास रथ तयार करण्यात आला होता. या रशावर स्वार होऊन अमित शाह यांनी लोकांना अभिवादन केले. यावेळी रोड शोमध्ये सहभागी झालेले भाजप नेते, कार्यकर्ते आणि सर्वसामान्य नागरिकांनी अमित शाह आणि भाजपच्या समर्थनार्थ घोषणाबाजी केली.
उद्या अमित शाह हे गांधीनगर लोकसभा मतदारसंघातून उमेदवारी अर्ज भरणार आहेत. तर उमेदवारी अर्ज दाखल करण्यापूर्वी आज अमित शाह यांनी रोड शो केला. तसेच आज सायंकाळी ते जाहीर सभेला संबोधित करणार आहेत.
