Loksabha Election : सध्या राज्यात लोकसभा निवडणुकांची (Loksabha Election 2024) जय्यत तयारी सुरू आहे. सर्व पक्षांकडून जोरदार प्रचार केला जात आहे. यामध्ये आज (18 एप्रिल) बारामती लोकसभा (Baramati Loksabha) मतदारसंघासाठी महायुतीकडून पुण्यात (Pune) मोठे शक्तीप्रदर्शन केले जात आहे. या प्रचारसभेत मुख्यमंत्री एकनाथ शिंदे (CM Eknath Shinde), उपमुख्यमंत्री देवेंद्र फडणवीस (Devendra Fadnavis) आणि उपमुख्यमंत्री अजित पवार (Ajit Pawar) उपस्थित आहेत.

यावेळी प्रचारसभेत बोलताना अजित पवार म्हणाले की, “महायुतीतील घटक पक्षांना एकत्रित घेऊन काम करायचे आहे. तसेच बारामती लोकसभा मतदारसंघातून सुनेत्रा पवार यांना विजयी करा. पुणे, शिरूर, मावळमधील महायुतीच्या उमेदवारांना विजयी करा. आपल्याला अजून विकास करण्यासाठी केंद्राची मदत हवी आहे. त्यामुळे महायुतीला विजयी करण्यासाठी आपल्याला काम करायचे आहे.”

पुढे अजित पवारांनी विजय शिवतारे यांचे कौतुक केले. “विरोधक आणि मित्र कसा असावा हे विजय शिवतारे यांच्याकडे पाहून समजतं”, असं म्हणत अजित पवारांनी शिवतारेंचं कौतुक केलं.

“पंतप्रधान नरेंद्र मोदी यांनी आक्रमकपणे विकासकामे केली आहेत. आता ते आपली अर्थव्यवस्था तिसऱ्या क्रमांकावर आणण्यासाठी काम करत आहे. तसेच ही निवडणूक देशाचे भवितव्य घडवणारी आहे. ही निवडणूक मोदींविरूद्ध राहुल गांधी अशी आहे. ही देश पातळीवरची निवडणूक आहे. त्यामुळे अजिबात हलक्या कानाचे राहू नका”, असेही अजित पवार म्हणाले.