Pune Phoenix Mall Fire : पुण्यातून (Pune) एक मोठी बातमी समोर आली आहे. पुण्यातील विमान नगर भागातील फिनिक्स मॉलला (Phoenix Mall) भीषण आग (Fire) लागली आहे. या घटनेची माहिती मिळताच अग्निशमन दलाच्या सहा गाड्या घटनास्थळी पोहोचल्या आहेत.
आज दुपारी 3.15 वाजता ही घटना घडली. फिनिक्स मार्केट सिटी म़ॉलच्या वरच्या मजल्यावर अचानक आग लागली. ही आग एवढी भीषण होती की मॉलच्या बाहेर धुराचे लोट दिसत होते.
फिनिक्स मॉलमध्ये बंद असलेल्या एका जुन्या रेस्टॉरंटमध्ये शॉर्ट सर्किटमुळे ही आग लागली होती. या घटनेची माहिती मिळताच 6 अग्निशमन दलाच्या गाड्या घटनास्थळी दाखल झाल्या. तसेच सध्या आग विझवण्याचे काम सुरू आहे. तसेच या आगीत कुठलीही जीवितहानी झालेली नाही.
सध्या या आगीच्या घटनेचा व्हिडीओ सोशल मीडियावर मोठ्या प्रमाणात व्हायरल होत आहे. ज्यामध्ये मॉलमधून धुराचे लोट बाहेर येताना दिसत आहेत.
https://www.instagram.com/reel/C58NoVeIgfV/?utm_source=ig_web_copy_link&igsh=MzRlODBiNWFlZA==
