Sada Sarvankar : लोकसभा निवडणुकीमुळे (Loksabha Election 2024) सध्या सर्व राज्यांमध्ये प्रचाराची रणधुमाळी सुरू आहे. या प्रचार सभांदरम्यान नेते एकमेकांवर आरोप-प्रत्यारोप करताना दिसत आहेत. त्यामुळे सध्या राजकीय वातावरणात मोठमोठे गौप्यस्फोट होताना दिसत आहे. यामध्ये तर आता शिंदे गटाचे नेते, आमदार सदा सरवणकर (Sada Sarvankar) यांनी उद्धव ठाकरे (Uddhav Thackeray) यांच्या पत्नी रश्मी ठाकरे (Rashmi Thackeray) यांच्याबाबत मोठा गौप्यस्फोट केला आहे. तसेच रश्मी ठाकरे या अतिशय कपटी आहे, अशी टीकाही सरवणकर यांनी केली आहे.

सदा सरवणकर यांनी माध्यमांशी संवाद साधताना सांगितलं की, आपल्या मुलाला पुढे आणण्यासाठी मातोश्रीने केलेला हा अट्टहास आहे. उद्धव ठाकरे यांना घरात कोंडून ठेवलं होतं. नवऱ्याला घरात ठेवायचं आणि मुलाला पुढे आणायचं, त्यानंतर त्याला मुख्यमंत्री बनवायचं हे आईचं प्लानिंग होतं. मुलाला मुख्यमंत्री बनवण्याचा प्लान आईचा होता, असा खुलासा सरवणकर यांनी केला आहे.

तसेच त्या दिसतात भोळ्या, पण त्या अतिशय कपटी आहेत, अशी टीकाही सदा सरवणकर यांनी रश्मी ठाकरेंवर केली आहे. सरवणकर यांनी केलेल्या या दाव्यानंतर राजकीय वर्तुळात एकच खळबळ उडाली आहे.