CSK vs LSG : काल (23 एप्रिल) चेपॉक स्टेडियमवर चेन्नई सुपर किंग्ज आणि लखनऊ सुपर जायंट्स यांच्यात आयपीएल 2024 चा 39 वा सामना खेळला गेला. यामध्ये लखनौ सुपर जायंट्सने चेन्नईचा 6 गडी राखून पराभव केला. लखनौचा या मोसमातील हा पाचवा विजय असून तो 10 गुणांची कमाई करत चौथ्या स्थानावर पोहोचला आहे.
चेपॉक स्टेडियमवर प्रथम फलंदाजी करताना चेन्नई सुपर किंग्जने 20 षटकांत 4 गडी गमावून 210 धावा केल्या. तर चेन्नईकडून ऋतुराज गायकवाडने धमाकेदार शतक झळकावले. त्याने 60 चेंडूत 108 धावा केल्या. शिवम दुबेनेही अर्धशतक केले. यानंतर लखनौने 19व्या षटकात 3 चेंडू शिल्लक असताना सामना जिंकला. मार्कस स्टॉइनिसने 63 चेंडूत 124 धावांची धमाकेदार नाबाद शतकी खेळी केली. या डावात 13 चौकार आणि 6 षटकार मारले. दुसरीकडे, निकोलस पूरनने 15 चेंडूत 34 धावांची महत्त्वपूर्ण खेळी केली. तर मथिश पाथिरानाने दोन गडी बाद केले.
या मोसमात चेन्नईने घरच्या मैदानावर तिन्ही सामने जिंकले आहेत. त्याला विजयाची संधी होती. आता चेन्नई सुपर किंग्जला पुढील तीन सामने घरच्या मैदानावर खेळायचे आहेत. ऋतुराज गायकवाड यांच्या नेतृत्वाखालील सीएसकेने तिन्ही सामने जिंकले असते तर त्यांचे प्लेऑफचे तिकीट जवळपास निश्चित झाले असते, परंतु तसे झाले नाही.
या मोसमात लखनौने गेल्या शुक्रवारनंतर दुसऱ्यांदा चेन्नईचा पराभव केला आहे.
