Sharad Pawar : लोकसभा निवडणुकीच्या (Loksabha Election) पार्श्वभूमीवर सर्व मोठ्या नेत्यांच्या सभा होताना दिसत आहेत. दररोज बडे नेते वेगवेगळ्या जिल्ह्यांमध्ये जाऊन सभा घेत आहेत. तर आता सर्वांचे लक्ष लागले आहे ते माढा लोकसभा मतदारसंघाकडे. कारण आज धैर्यशील मोहित पाटील (Dhairyasheel Mohite Patil) यांच्या प्रचारासाठी शरद पवार (Sharad Pawar) मैदानात उतरणार आहे. आज माढा तालुक्यातील मोडनिंबमध्ये शरद पवारांची जाहीर सभा होणार आहे.
माढा लोकसभा मतदारसंघात महाविकास आघाडीकडून धैर्यशील मोहिते पाटील यांना उमेदवारी देण्यात आली आहे. तर भाजपकडून रणजितसिंह निंबाळकर यांना उमेदवारी देण्यात आली आहे. जेव्हा भाजपकडून निंबाळकरांना उमेदवारी देण्यात आली तेव्हा मोहिते पाटील नाराज होते. नंतर त्यांनी भाजपची साथ सोडत शरद पवारांच्या राष्ट्रवादीत प्रवेश केला आणि त्यांना शरद पवार गटाकडून माढा मतदारसंघात उमेदवारी देण्यात आली.
आता शरद पवार हे धैर्यशील मोहित पाटील यांच्यासाठी मैदानात उतरणार आहेत. आज त्यांची मोडनिंबमध्ये जाहीर सभा होणार आहे. त्यामुळे आता आजच्या सभेत शरद पवार नेमकं काय बोलणार? कोणावर निशाणा साधणार? याकडे सर्वांचे लक्ष लागले आहे.
दरम्यान, मोडनिंबमधील सभा झाल्यानंतर शरद पवार हे मोहोळ येथे सभा घेणार आहेत. कारण मोहोळमध्ये भाजप नेते संजय क्षीरसागर हे शरद पवारांच्या गटात प्रवेश करणार आहेत.
