Anant Ambani-Radhika Merchant Wedding : उद्योगपती मुकेश अंबानी (Mukesh Ambani) आणि नीता अंबानी (Neeta Ambani) यांचा धाकटा मुलगा अनंत अंबानी (Anant Ambani) लवकरच लग्नबंधनात अडकणार आहे. त्यामुळे आता अनंत-राधिकाचे लग्न कुठे होणार याच्या चर्चांना उधाण आले आहे. दरम्यान, या भव्य लग्नाच्या ठिकाणाबाबत एक नवीन अपडेट समोर आली आहे. मार्चमध्ये झालेल्या प्री-वेडिंग सेरेमनीनंतर आता अनंत-राधिकाच्या लग्नाची चर्चा रंगली आहे. लग्नाच्या तारखेपासून ते स्थळापर्यंत अनेक अंदाज सोशल मीडियावर बांधले जात आहेत.
अनंत अंबानी लवकरच त्यांची बालपणीची मैत्रीण राधिका मर्चंटसोबत लग्न करणार आहेत. रिपोर्टनुसार, दोघेही येत्या 12 जुलैला लग्नाच्या बेडीत अडकणार आहेत. अनंत आणि राधिकाच्या लग्नाचा प्री-वेडिंग फंक्शन मार्च महिन्यात सुरू झाला होता. त्यांच्या प्री-वेडिंग फंक्शनला उपस्थित राहण्यासाठी जगभरातील सेलिब्रिटी आले होते.
आता अनंत आणि राधिकाच्या लग्नाच्या तारखेसोबत त्यांच्या लग्नाचे ठिकाणही समोर आले आहे. अनंत आणि राधिकाचे प्री-वेडिंग फंक्शन्स गुजरातमधील अंबानी कुटुंबाच्या होम टाऊन जामनगरमध्ये आयोजित करण्यात आले होते. तर आता अनंत-राधिकाचे लग्न लंडन किंवा अबू धाबीमध्ये होऊ शकते अशी शक्यता वर्तवली जात आहे. दरम्यान, आता आणखी एक नवीन अपडेट समोर आली आहे. या दोघांचे लग्न परदेशात नाही तर देशातच होणार असल्याची माहिती समोर आली आहे.
मिळालेल्या माहितीनुसार, अनंत-राधिकाचा विवाह 12 जुलै रोजी मुंबईत होणार असल्याचं म्हटलं जात आहे. पण या बातमीबाबत अद्याप कोणतीही अधिकृत माहिती समोर आलेली नाही.
