DC vs GT : काल (24एप्रिल) दिल्ली कॅपिटल्स (DC) आणि गुजरात टायटन्स (GT) यांच्यात चुरशीचा सामना पाडला. आयपीएल 2024 (IPL 2024) च्या 40 व्या सामन्यात, दिल्ली कॅपिटल्स (DC) चा सामना गुजरात टायटन्स (GT) सोबत दिल्लीतील अरुण जेटली स्टेडियमवर झाला. या सामन्यात दिल्लीने गुजरातचा चार धावांनी पराभव केला आहे.
लक्ष्याचा पाठलाग करताना गुजरात टायटन्सची सुरुवात खराब झाली. शुभमन गिल 6 धावा करून बाद झाला. तर साई सुदर्शन (66) आणि साहा (39) यांनी अर्धशतकी भागीदारी करत सामन्यात पुनरागमन केले. मात्र, रसिक सलाम, कुलदीप आणि अक्षर पटेल यांनी दिल्लीचे पुनरागमन केले. डेव्हिड मिलरने (55) धावा करत गुजरातसाठी पुनरागमन केले. मात्र, सामन्याने रोमांचक वळण घेतले आणि दिल्लीने अखेरच्या षटकात चार धावांनी सामना जिंकला. रसिक सलामला तीन तर कुलदीपला दोन बळी मिळाले.
सुरूवातीला दिल्ली कॅपिटल्सची सुरुवात खराब झाली. दिल्ली कॅपिटल्सला 36 धावांच्या स्कोअरवर दोन धक्के बसले. पॉवरप्लेमध्ये संदीप वारियरने दिल्लीला तीन धक्के दिले. यानंतर कर्णधार ऋषभ पंत आणि अक्षर पटेल यांनी संघाचा डाव सांभाळला आणि दोघांमध्ये 100 धावांची भागीदारी रचली. अक्षर पटेल बाद झाल्यानंतर पंतने मैदानावर अनेक मोठे फटके मारले. पंतने शेवटच्या षटकात मोहित शर्माला चांगलाच फटकारला. पंतने नाबाद 88 धावा केल्या.
