लोकसभा निवडणुकीसाठी तिसऱ्या टप्प्यातील मतदान हे उद्या होणार आहे. काल ५ मे रोजी प्रचाराच्या तोफा थंडावल्या आहेत. दरम्यान महाविकास आघाडी आणि महायुतीने राज्यात सभांचा धडाका लावला आहे. दरम्यान राष्ट्रवादी काँग्रेस शरद पवार गटाचे अध्यक्ष शरद पवार यांचे दिवसभरातील सर्व कार्यक्रम रद्द करण्यात आले आहेत. त्यांना थकवा जाणवत असल्याने डॉक्टरांनी त्यांना विश्रांती घेण्याचा सल्ला दिला आहे. यामुळे त्यांचे आजचे सर्व कार्यक्रम रद्द करण्यात आले आहेत.
आज शिरूर लोकसभा मतदारसंघात महाविकास आघाडीचे उमेदवार डॉ. अमोल कोल्हे यांच्या प्रचारासाठी भव्य सभेचे आयोजन करण्यात आले होते. मात्र तब्येचीच्या कारणांमुळे शरद पवारांचे आजचे सर्व कार्यक्रम रद्द करण्यात आले आहेत. दरम्यान महाविकास आघाडीच्या उमेदवारांसाठी शरद पवार राज्यभरात प्रचार सभा घेत आहेत. मात्र प्रकृतीच्या कारणामुळे शरद पवारांचे सर्व कार्यक्रम रद्द करण्यात आले आहे.
