Amit Shah : लोकसभा निवडणुकीसाठी आज मतदानाचा तिसरा टप्पा पार पडत आहे. या तिसऱ्या टप्प्यात 11 राज्यातील एकूण 93 जागांवर मतदान होत आहे. सकाळी मतदानाला सुरूवात झाली असून अनेक सामान्य जनतेसह अनेक दिग्गज नेते, सेलिब्रिटी मतदानासाठी केंद्राकडे निघाले आहेत. यामध्ये काही वेळापूर्वीच पंतप्रधान नरेंद्र मोदी यांनी अहमदाबादमध्ये जाऊन मतदान केले. तर आता गृहमंत्री अमित शाह यांनी मतदानाचा हक्क बजावला आहे.
अमित शाह हे आज सकाळी मतदाना करण्यासाठी मतदान केंद्रावर दाखल झाले होते. तर त्यांनी अहमदाबादमधील शाळेत जाऊन मतदानाचा हक्क बजावला. सध्या अमित शाह यांचे मतदान केल्यानंतरचे फोटो सोशल मीडियावर व्हायरल होत आहेत.
आता सकाळी मतदानाला सुरूवात झाली असून अनेक बडे मतदानासाठी केंद्राकडे निघाले आहेत. यामध्ये पंतप्रधान नरेंद्र मोदी देखील मतदानासाठी अहमदाबादमध्ये दाखल झाले. यावेळी अमित शाह यांनी पंतप्रधानांचे स्वागत केले. तर पंतप्रधान मोदींनी अहमदाबादमधील निशर हायर सेकंडरी स्कूलमध्ये जाऊन मतदान केलं. यादरम्यान अमित शाह देखील उपस्थित होते.
