Supriya Sule : लोकसभा निवडणुकीसाठी आज मतदानाचा तिसरा टप्पा पार पडत आहे. या तिसऱ्या टप्प्यात 11 राज्यातील एकूण 93 जागांवर मतदान होत आहे. आज सकाळी मतदानाला सुरूवात झाली असून अनेक सामान्य जनतेसह अनेक दिग्गज नेते, सेलिब्रिटी मतदानासाठी केंद्राकडे निघाले आहेत. यामध्ये आता सुप्रिया सुळे यांनी सहकुटुंब मतदानाचा अधिकार बजावला.
काही वेळापूर्वीच अजित पवार यांनी त्यांची आई आणि पत्नी सुनेत्रा पवार यांच्यासह मतदनाचा हक्क बजावला. तसेच शरद पवारांनी देखील मतदान केलं असून आता सु्प्रिया सुळे यांनीही मतदानाचा हक्क बजावला आहे.
मतदानाचा हक्क बजावल्यानंतर सुप्रिया सुळे या काटेवाडी येथील अजित पवारांच्या निवासस्थानी दाखल झाल्या आहेत. ऐन मतदानाच्या दिवशीच सुप्रिया सुळे अजित पवारांच्या घरी गेल्याने चर्चांना उधाण आले आहे.
