DC vs RR : काल (8 मे) आयपीएल 2024 च्या 56 व्या सामन्यात दिल्ली कॅपिटल्सचा सामना राजस्थान रॉयल्सशी झाला. अरुण जेटली स्टेडियमवर झालेल्या या सामन्यात दिल्लीने राजस्थानचा 20 धावांनी पराभव केला. या विजयासह दिल्लीचेही 12 गुण झाले असून प्लेऑफमध्ये पोहोचण्याच्या आशा कायम आहेत.
दिल्लीच्या 222 धावांच्या लक्ष्याचा पाठलाग करताना राजस्थानची सुरुवात खराब झाली. दोन्ही फलंदाज 67 धावांवर पॅव्हेलियनमध्ये परतले होते. यानंतर कर्णधार संजू सॅमसन आणि शुभम दुबे यांनी डावाची धुरा सांभाळत सामन्यात पुनरागमन केले. मात्र, संजू सॅमसन आऊट होताच सामना पूर्णपणे उलटला. संजू सॅमसनचे शतक हुकले आणि तो 86 धावा करून बाद झाला. यानंतर राजस्थानने 15 चेंडूत 4 विकेट गमावल्या. कुलदीप यादव, मुकेश कुमार आणि खलील अहमद यांनी प्रत्येकी दोन गडी बाद केले.
नाणेफेक हारल्यानंतर प्रथम फलंदाजी करताना दिल्ली कॅपिटल्सने 20 षटकांत 8 गडी गमावून 221 धावा केल्या. संघातर्फे अभिषेक पोरेलने 65 धावांची दमदार खेळी केली, तर जॅक फ्रेझर मॅकगर्कने 50 धावांचे योगदान दिले. त्याचवेळी ट्रिस्टन स्टब्सने 41 धावांची स्फोटक खेळी खेळली. गोलंदाजीत आर.अश्विनने राजस्थानसाठी शानदार गोलंदाजी करत तीन बळी घेतले.
