नुकतीच भारतीय जनता पक्षाने (BJP) लोकसभा निवडणूक 2024 साठी त्यांच्या उमेदवारांची 20 वी यादी जाहीर केली आहे. या यादीमध्ये पंजाबच्या फतेहगढ साहिब मतदारसंघातून उमेदवार घोषित करण्यात आला आहे.
भाजपने फतेहगढ साहिबमधून गेजा राम वाल्मिकी यांना उमेदवारी दिली आहे. गेजा राम वाल्मिकी हे भाजप नेते असण्यासोबतच ते सेंट्रल वाल्मिकी सभा भारताचे राष्ट्रीय अध्यक्ष देखील आहेत.
दरम्यान, याआधी बुधवारी भाजपने आपल्या उमेदवारांची 19वी यादी जाहीर केली होती. या यादीत 3 उमेदवारांची नावे समाविष्ट करण्यात आली असून तिन्ही उमेदवार पंजाबमधील आहेत. 19व्या यादीनुसार डॉ.सुभाष शर्मा यांना आनंदपूर साहिबमधून उमेदवारी देण्यात आली आहे. तर फिरोजपूरमधून राणा गुरमीत सिंग सोधी यांना आणि संगरूर येथून अरविंद खन्ना यांना उमेदवारी देण्यात आली आहे.
