Eknath Khadse : राष्ट्रवादी काँग्रेसचे ज्येष्ठ नेते एकनाथ खडसे यांनी राजकीय संन्यासाबाबत मोठं वक्तव्य केलं आहे. मी इथून पुढे निवडणूक लढवणार नाही पण माझा विधानपरिषदेतील पाच वर्षांचा कालावधी बाकी आहे, असं वक्तव्य एकनाथ खडसेंनी केलं आहे.
एका मराठी वृत्तवाहिनीशी बोलताना एकनाथ खडसे म्हणाले, इथून पुढे मी कोणतीही निवडणूक लढवण्यास इच्छुक नाही. पण मी आणखी पाच वर्षांसाठी विधान परिषदेचा आमदार असणार आहे. त्यामुळे मी राजकारणातून निवृत्त झालो नाही, असं खडसेंनी स्पष्ट केलं.
मला शरद पवार साहेबांनी सांगितलं आहे की, ते एकदा दिलेली गोष्ट परत मागत नाहीत. त्यामुळे पवार साहेबांनी मला अभय दिला आहे. यामुळे दुसऱ्या कोणी मला राजीनामा मागितला तर मला काही फरक पडत नाही, असंही एकनाथ खडसे म्हणाले.
