Mamata Banerjee On PM Modi : पश्चिम बंगालच्या मुख्यमंत्री ममता बॅनर्जी यांनी पंतप्रधान मोदींना अनोखी ऑफर दिली आहे. नरेंद्र मोदींना स्वतःच्या हाताने बनवलेले मासे खाऊ घालण्याची ऑफर ममता बॅनर्जींनी दिली आहे. त्यामुळे राजकीय वर्तुळात एकच खळबळ उडाली आहे.
ममता बॅनर्जी म्हणाल्या, जर पंतप्रधान मोदींची इच्छा असेल तर मी त्यांच्यासाठी जेवण बनवायला तयार आहे. पण मला खात्री नाही की मोदी मी बनवलेले जेवण खातील की नाही.
ममता बॅनर्जींच्या या ऑफरमुळे बंगालचे राजकारण चांगलेच तापले आहे. त्यांचा पक्ष तृणमूल काँग्रेस (TMC) वर भाजपसोबत युती केल्याचा आरोप होऊ लागला आहे. ममतांच्या या ऑफरवर विविध राजकीय पक्षांनी संमिश्र प्रतिक्रिया दिल्या आहेत.
दरम्यान, नवरात्रीत मासे खात असलेल्या व्हिडिओवरून पंतप्रधान मोदींनी तेजस्वी यादव यांच्यावर हल्ला चढवला होता. जम्मू-काश्मीरमधील उधमपूर येथे एका जाहीर सभेत ते म्हणाले होते की, नवरात्रीच्या दिवशी काही लोक मांसाहार खात आहेत आणि राष्ट्रीय भावना भडकावण्यासाठी व्हिडिओ दाखवत आहेत. त्यांच्याकडे मुघल विचारसरणी आहे आणि म्हणूनच ते मुद्दाम असे करतात, असे पंतप्रधान म्हणाले होते. अशातच आता या प्रकरणावरून ममता बॅनर्जींनी पंतप्रधान मोदींना जेवणाची ऑफर दिल्याने नवीन वाद निर्माण होण्याची शक्यता आहे.
