लोकसभा निवडणुकीसाठी पंतप्रधान नरेंद्र मोदी हे पूर्ण देशभरात प्रचार सभा घेत आहेत. आज नरेंद्र मोदी हे उत्तर प्रदेशमधील आझमगड येथे जनसमुदायाला संबोधित करत होते. यावेळी त्यांनी उत्तर प्रदेशचे मुख्यमंत्री योगी आदित्यनाथ यांची प्रशंसा केली आहे. योगी आदित्यनाथ यांनी युपीमध्ये दंगेखोर, माफिया आणि खंडणीखोर यांच्याविरुद्ध कडक कारवाई करून चांगली स्वछता मोहीम चालवली असल्याचे म्हटले आहे.
आझमगडमधून बोलताना मोदी म्हणाले, ”तुमचे प्रेम, आशीर्वाद पाहून सारे जग थक्क झाले आहे. देशात लोकांना मोदींच्या गॅरंटीवर किती विश्वास आहे हे संपुन जग पाहात आहे. आपल्या देशात लोकशाहीच्या उत्सवाच्या सगळ्या बातम्या समोर येत आहे. . भारताची ओळख जगासाठी किती महत्त्वाची आहे याचा पुरावा जगातील वर्तमानपत्रांच्या पहिल्या पानावर आहे.”
राज्यातील गुंडाराजचे दिवस आता संपत आल्याचे म्हणत मोदींनी समाजवादी पक्षावर टीका केली आहे. मोदी पुढे म्हणाले, ”तुम्ही समाजवादी पक्षाच्या गुंडाराजचे दिवस पाहिले आहेत. योगीजींनी उत्तर प्रदेशात दंगलखोर, माफिया, अपहरणकर्ते आणि खंडणीखोर टोळ्यांविरुद्ध ‘स्वच्छता अभियान’ योग्यरित्या राबवले आहे. याप्रकारे मोदींनी मुख्यमंत्री योगी आदित्यनाथ यांची प्रशंसा केली आहे.
