Ameet Khedekar : नुकतीच एक दु:खद बातमी समोर आली आहे. मराठी सिनेसृष्टीतील प्रसिद्ध अभिनेता अमित खेडेकर याच्यावर दु:खाचा डोंगर कोसळला आहे. अभिनेता अमित खेडेकरच्या आईचे निधन झाले आहे. याबाबतची माहिती स्वत: अमितने पोस्ट शेअर करत चाहत्यांना दिली आहे.

अमितची आई ही 60 वर्षांची होती. गेल्या काही महिन्यांपासून त्याची आई कर्करोगाशी झुंज देत होती. मात्र, 15 मे 2024 रोजी त्यांची झुंज अपयशी ठरली आणि त्यांनी अखेरचा श्वास घेतला. यासंदर्भातली पोस्ट अमितने शेअर करताच चाहत्यांनी त्याच्या या पोस्टवर कमेंटद्वारे शोक व्यक्त केला आहे.

अमित खेडेकरने पोस्ट शेअर म्हटलं आहे की, “सांगताना अत्यंत दु:ख होत आहे की माझी आई, सौ. सुनिता खेडेकर, 15 मे रोजी, रात्री 12.50 च्या सुमारास वयाच्या 60 व्या वर्षी या जगातून कायमची निघून गेली आहे. ती गेल्या काही काळापासून कर्करोगाशी झुंज देत होती.”

“ती माझ्यासाठी आणि माझ्या माझ्या कुटुंबासाठी सर्वस्व होती. तिच्या निधनाने माझे पूर्ण कुटुंबीय दु:खाच्या छायेत आहेत. तिच्या जवळच्या लोकांना पलीकडेही माझ्या आईचा प्रेमळ प्रभाव आमच्या व्यापक, समुदायावर पसरला आहे. ती नेहमी गरजूंना खांदा देण्यासाठी तयार असायची. तिच्या दयाळूपणाच्या आणि उदारतेच्या नि:स्वार्थ कृत्यांनी अनेकांच्या जीवनाला स्पर्श केला आणि तिच्याबरोबर संपर्कात आलेल्या सर्वांवर एक अमिट छाप सोडली. खरंतर तिच्या नसण्याने आमच्या आयुष्यात जी पोकळी निर्माण झाली आहे त्याचे वर्णन शब्दात करू शकत नाही. या कठीण काळात आमच्या सोबत असलेल्या तुम्हा सर्वांचे आम्ही ऋणी आहोत. तिच्या आत्म्यास शांती लाभो हीच प्रार्थना”, असेही अमितने म्हटले आहे.

https://www.instagram.com/p/C7DjqI8q1bp/?utm_source=ig_web_copy_link&igsh=MzRlODBiNWFlZA==

दरम्यान, अमित खेडेकर हा प्रसिद्ध अभिनेत्यांपैकी एक आहे. त्याने काही दिवसांपूर्वीच ‘कन्यादान’ या मालिकेला निरोप दिला आहे. त्याने मालिकांसोबतच अनेक मराठी चित्रपटांमध्येही काम केलं आहे.