मागच्या वर्षी ट्विटरचे मालक एलॉन मस्क यांनी कंपनीचा लोगो बदलला
होता. चिमणीचा लोगो काढून X हा
लोगो ठेवण्यात आला आहोत. त्यानंतर आता मस्क यांनी ट्विटरचे पूर्ण अस्तित्व संपवले
आहे. नाव आणि लोगो बदलला होता. मात्र युआरएल twitter.com अशीच दिसत होती. मात्र मस्क यांनी आता तेही बंद केले आहे. आता केवळ
सगळीकडे एक्स असणार आहे असे मस्क यांनी पोस्ट करत सांगितले.
एलोन मस्कच्या या पोस्टनंतर, x.com वर, एक मेसेज येत आहे ज्यामध्ये असे लिहिले आहे की Twitter.com लवकरच x.com वर रीडायरेक्ट
केले जात आहे. काही दिवसांनंतर Twitter.com
ओपन होणार नाही. या मेसेजसोबत फक्त URL बदलली असून गोपनीयता आणि डेटा संरक्षण कायम आहे, असेही लिहिले आहे. एलॉन मस्क यांनी
ट्विटरची खरेदी केल्यानंतर कंपनीत अनेक बदल केले आहेत.
