Pune Accident : पुण्यात एक धक्कादायक घटना घडली आहे. एका भरधाव सुपरकारनं मध्यरात्री दोघांना चिरडल्याची घटना घडली आहे. पुण्यातील कल्याणी नगर परिसरात हा अपघात घडला आहे. या घटनेनं एकच खळबळ उडाली आहे.

कल्याणी नगर परिसरात पोर्शे गाडीने एक तरूण आणि एका तरूणीला चिरडलं आहे. मध्यरात्री पार्टी करून जात असताना एका तरूणाने भरधाव गाडी चालवत दोघांना जोरात धडक दिली आणि या घटनेत दोघांचा दुर्दैवी मृत्यू झाला आहे. याप्रकरणी अकिब रमजान मुल्ला याने पिर्याद दिली असून येरवडा पोलीस ठाण्यात गुन्हा दाखल करण्यात आला आहे.

येरवडा पोलीस ठाण्यात कारचालक असलेल्या 17 वर्षीय तरूणावर गुन्हा दाखल करण्यात आला आहे. हा प्रकार शनिवारी मध्यरात्री अडीच वाजताच्या सुमारास घडला. मिळालेल्या माहितीनुसार, आरोपी चालक हा पार्टी करून मध्यरात्री भरधाव वेगाने, निष्काळजीपणाने गाडी चालवत होता. त्यावेळी आरोपी चालकानं अनिस अवधिया या तरूणाच्या दुचाकीला मागून जोरात धडक दिली. तर या घटनेत अनिस अवधिया आणि त्यांची मैत्रिण अश्विनी कोस्टा यांचा मृत्यू झाला आहे. सध्या पोलीस या प्रकरणाचा पुढील तपास करत आहेत.