Ashish Shelar : लोकसभा निवडणुकीच्या पाचव्या टप्प्यासाठी आज सकाळी 7 वाजल्यापासून मतदान प्रक्रियेला सुरूवात झाली आहे. या शेवटच्या टप्प्यात देशातील एकूण 6 राज्ये आणि दोन केंद्रशासित प्रदेशात उद्या 49 मतदारसंघांसाठी मतदान प्रक्रिया पार पडत आहे. तर या टप्प्यात एकूण 685 उमेदवारांचे भवितव्य मतदार ठरवणार आहेत.
आजच्या पाचव्या टप्प्यासाठी महाराष्ट्र, बिहार, पश्चिम बंगाल, जम्मू काश्मीर, झारखंड, लडाख, ओडिशा, उत्तर प्रदेश या ठिकाणी मतदान होत आहे. यामध्ये उत्तर प्रदेशमध्ये 13, पश्चिम बंगालमध्ये 7, बिहारमध्ये 5, जम्मू आणि काश्मीरमध्ये 1, लडाखमध्ये 1, झारखंडमध्ये 3 आणि ओडिशातील 5 जागांवर मतदान पार पडत आहे. तर महाराष्ट्रात मुंबईतील सहाच्या सहा मतदारसंघात मतदान होणार आहे. तसेच ठाणे कल्याण, पालघर, नाशिक, धुळे, दिंडोरी, आणि भिवंडी अशा 13 लोकसभा मतदारसंघातहो मतदान पार पडत आहे.
तर आजच्या या शेवटच्या टप्प्यासाठी मतदान करण्यासाठी आज सकाळपासून मतदारांनी मतदान केंद्रावर गर्दी केली आहे. सर्वसामान्य जनतेसह अनेक राजकीय नेते, सेलिब्रिटी मतदानाचा हक्क बजावताना दिसत आहेत. यामध्ये आता मुंबई भाजपचे अध्यक्ष आशिष शेलार यांनीही मतदानाचा हक्क बजावला.
आशिष शेलार यांनी मतदानाचा हक्क बजावल्यानंतर जनतेला मतदान करण्याचे आवाहन केले. “मतदारांना मी आवाहन करतो की, दर पाच वर्षांनी येणाऱ्या लोकशाहीच्या या उत्सवामध्ये सहभागी व्हावे. ECI ने चांगली व्यवस्था केली असून लोकांनी त्यांच्या मार्गदर्शक तत्वांचे पालन करावे. मी जनतेमध्ये भाजपबद्दल उत्साह पाहिला आहे. विशेष म्हणजे पंतप्रधान मोदींच्या रोड शोमुळे महायुती मुंबईतील सर्व सहा जागा जिंकेल”, असा विश्वास आशिष शेलार यांनी यावेळी व्यक्त केला.
