Bigg Boss Marathi New Season : ‘बिग बॉस मराठी’च्या नव्या सिझन प्रेक्षक आतुरतेने वाट पाहत होते. मात्र, आता अखेर तो क्षण जवळ आला आहे. लवकरच ‘बिग बॉस मराठी’चा नवीन सिझन प्रेक्षकांच्या भेटीस येणार आहे. याचा प्रोमो देखील कलर्स मराठीच्या अधिकृत सोशल मीडिया अकाऊंटवर शेअर करण्यात आला आहे. त्यामुळे सध्या प्रेक्षकांमध्ये आनंदाचे वातावरण आहे.

विशेष म्हणजे यंदाचा बिग बॉस मराठीचा नवा सिझन हा नव्या सरप्राइजसह प्रेक्षकांच्या भेटीस येत आहे. यावेळीचं बिग बॉस मराठीचं सूत्रसंचालन हे महेश मांजरेकर नव्हे तर प्रसिद्ध अभिनेता रितेश देशमुख करणार आहे. नुकत्याच प्रदर्शित केलेल्या बिग बॉसच्या प्रोमोमध्ये रितेश देशमुखची झलक पाहायला मिळत आहे.

https://www.instagram.com/reel/C7N4ZeFIPaA/?utm_source=ig_web_copy_link&igsh=MzRlODBiNWFlZA==

तर यंदाच्या या बिग बॉसच्या नव्या सिझनमध्ये रितेश देशमुख सूत्रसंचालन करणार असल्यामुळे त्याला पाहण्यासाठी प्रेक्षक चांगलेच आतुर झाले आहेत. तसेच आत्तापर्यंत बिग बॉस मराठीच्या पहिल्या चार सिझनने प्रेक्षकांची मनं जिकंली आहेत. तर आता बिग बॉसचा नवीन सिझन प्रेक्षकांचे मनोरंजन करण्यासाठी सज्ज झाला आहे.