Katrina Kaif : प्रसिद्ध अभिनेत्री कतरिना कैफ ही सध्या सोशल मीडियावर चांगलीच चर्चेत आली आहे. गेल्या काही दिवसांपासून कतरिना कैफ कॅमेऱ्यात कैद झालेली नाहीये. अशातच आता तिचा लंडनमधील एक व्हिडिओ व्हायरल झाला आहे. ज्यामध्ये ती विकी कौशलसोबत रस्त्याने चालताना दिसत आहे. हा व्हिडिओ दुरून काढण्यात आला आहे. तर हा व्हिडीओ पाहून लोकांना वाटू लागले आहे की, कतरिना प्रेग्नंट आहे आणि त्यामुळेच ती मीडियापासून दूर आहे.
कतरिना कैफ आणि विकी कौशलचा एक व्हिडिओ सोशल मीडियावर व्हायरल होत आहे. काही न्यूज साइट्सवर अपलोड केलेल्या या व्हिडिओमध्ये तो लंडनचा असल्याचा दावा केला जात आहे. यामध्ये कतरिना आणि विकी रस्त्यावर दिसत आहेत. तर या व्हिडीओत कतरिनाने लांब कोट घातलेला दिसत आहे. तर यावेळी विकी कतरिनाची काळजी घेताना दिसत आहे. तसेच आता या व्हिडीओवर लोकांकडून विविध प्रकारच्या कमेंट्स पाहायला मिळत आहेत.
व्हिडीओतील कतरिनाच्या चालण्याच्या शैलीमुळे ती प्रेग्नंट दिसत असल्याच्या प्रतिक्रिया अनेकांनी दिल्या आहेत. दीपिका पदुकोणच्या आधी तिची प्रसूती होईल असा अंदाज नेटकरी बांधत आहेत.
https://x.com/RajnilSarma99/status/1792768863035347061
व्हिडीओ पाहून एका नेटकऱ्याने लिहिले आहे की, ती प्रेग्नंट दिसत आहे. तर दुसऱ्याने लिहिले आहे की, कतरिनाला गोष्टी खाजगी ठेवणे आवडते. ती दीपिकापेक्षा जास्त गरोदर दिसत आहे म्हणजे तिची प्रसूती लवकर होईल. कदाचित ती लोकांपासून लपण्यासाठी लंडनला गेली असावी. तिच्या चालण्यावरून ती गरोदर दिसते. अशाच कतरिना प्रेग्नंट असल्याच्या प्रतिक्रिया अनेकांनी दिल्या आहेत.
