Shah Rukh Khan : कोलकाता नाईट रायडर्सने दमदार कामगिरी केली आहे. या संघाने सनरायझर्स हैदराबादवर 8 गडी राखून मोठा विजय मिळवला. तर या विजयासह कोलकाता नाईट रायडर्स संघाने आता अंतिम फेरी गाठली आहे. तर आता आयपीएलचा अंतिम सामना 26 मे रोजी चेपॉक स्टेडियम, चेन्नई येथे होणार आहे.
मंगळवारी झालेल्या सामन्यात नाणेफेक जिंकून प्रथम फलंदाजी करताना सनरायझर्स हैदराबादचा संघ 159 धावांवर ऑलआऊट झाला. या सामन्यात सनरायझर्स हैदराबादच्या फलंदाजांनी निराशाजनक कामगिरी केली.तर कोलकाता नाईट रायडर्सने 160 धावांचे लक्ष्य दोन गडी गमावून सहज गाठले. क्वालिफायर वन सामना जिंकून कोलकाता नाईट रायडर्सने आयपीएल ट्रॉफीकडे आणखी एक पाऊल टाकले आहे.
कोलकाता नाईट रायडर्सच्या या शानदार विजयाने टीम मालक आणि बॉलीवूड सुपरस्टार शाहरुख खान खूपच खूश दिसत होता. शाहरुख खानने मैदानात उतरून चाहत्यांचे आभार मानले. पण मैदानात आल्यानंतर शाहरुख खानसोबत असे काही घडले ज्यासाठी त्याला माफी मागावी लागली.
तर झालं असं की, कोलकाताने सामना जिकंल्यानंतर शाहरुख खान आपली मुलं सुहाना आणि अब्राहमसोबत मैदानावर चाहत्यांचे आभार मानण्यासाठी आला होता. यावेळी मैदानावर जिओ सिनेमावर प्रसारित होणाऱ्या लाईव्ह शोसाठी आकाश चोप्रा, पार्थिव पटेल आणि सुरेश रैना आपापसात मॅचबद्दल बोलत होते. यादरम्यान शाहरुख खानचे या तिघांकडे लक्ष नसते त्यामुळे तो त्यांच्याकडे न पाहता प्रेक्षकांचे आभार मानत असतो. मात्र, जेव्हा तो कॅमेरा फ्रेमच्या मध्यभागी येतो तेव्हा त्याला आपली चूक लक्षात येताच तो हसतो आणि नंतर आकाश चोप्रा, पार्थिव पटेल आणि सुरेश रैना यांची हात जोडून माफी मागतो.
https://x.com/rajeshreddyega/status/1792985475147538771
सध्या शाहरुख खानचा हा व्हिडिओ सोशल मीडियावर मोठ्या प्रमाणात व्हायरल होत आहे. हा प्रसंग पाहून सुहाना आणि तिथे उपस्थित असलेले इतर लोकही हसू लागतात. यावेळी शाहरुख खानने आकाश चोप्रा, पार्थिव पटेल आणि सुरेश रैनालाही मिठी मारली. तर या तिन्ही दिग्गजांनी शाहरुख खानला त्याच्या विजयाबद्दल शुभेच्छाही दिल्या.
