लोकसभा निवडणुकीचा रणसंग्राम सुरु आहे. ५ टप्प्यातील मतदान पूर्ण
झाले आहे. देशभरात आता केवळ २ टप्प्यांमधील मतदान बाकी राहिले आहे. दरम्यान सर्वच
पक्ष देशभरात जोरदार प्रचार करताना दिसत आहे. सत्ताधारी आणि विरोधी पक्षांचे स्टार
प्रचारक देशभरात प्रचार सभा घेत आहेत. भाजपाकडून म्हणजेच एनडीएकडून पंतप्रधान
नरेंद्र मोदी हे स्टार प्रचारक आहे. आज देखील दे दिवसभरात अनेक प्रचार सभा घेणार
आहेत. त्यांच्या आजच्या दौऱ्याबद्दल जाणून घेऊयात.
भारतीय जनता पक्षाचे (भाजप) सर्वोच्च नेते आणि सर्वात मोठे स्टार
प्रचारक पंतप्रधान नरेंद्र मोदी आज हरियाणा आणि पंजाबमध्ये प्रचार करणार आहेत.
हरियाणातील एका जाहीर सभेला संबोधित करून ते आजच्या प्रचाराचा शुभारंभ करतील.
भाजपने आपल्या X हँडलवर पंतप्रधान नरेंद्र मोदी यांचा आजचा निवडणूक कार्यक्रम शेअर
केला आहे.
यावेळी लोकसभा निवडणुकीत ४०० पार करण्याचा संकल्प पूर्ण
करण्यासाठी पंतप्रधान मोदी देशभरात मोठ्या प्रमाणावर प्रचार करून मतदारांकडून
आशीर्वाद घेत आहेत. हरियाणा नंतर पंजाबमधील पटियाला येथे संध्याकाळी ४.३० वाजता
पंतप्रधान मोदी जाहीर सभेला संबोधित करतील.
