Pushpa 2 : साऊथचा सुपरस्टार अल्लू अर्जुन सध्या त्याच्या ‘पुष्पा 2’ या चित्रपटामुळे चांगलाच चर्चेत आहे. ‘पुष्पा 2’ हा 2024 मधील बहुप्रतिक्षित चित्रपटांपैकी एक आहे. प्रेक्षक या चित्रपटाच्या रिलीजची आतुरतेने वाट पाहत आहेत.

दिग्दर्शक सुकुमार यांच्या ‘पुष्पा 2’ चित्रपटाबाबत एक धमाकेदार अपडेट समोर आली आहे. मिळालेल्या माहितीनुसार, रणबीर कपूरच्या ‘ॲनिमल’ या चित्रपटातून प्रसिद्ध झालेली अभिनेत्री तृप्ती डिमरीने पुष्पा 2 मध्ये प्रवेश केला आहे. तृप्ती एका आयटम साँगसह चित्रपटात बोल्डनेसचा तडका घालणार असल्याचं म्हटलं जात आहे. तर अभिनेत्री रश्मिका मंदान्ना या चित्रपटात मुख्य अभिनेत्री आहे.

तृप्ती डिमरी पुष्पा 2 मध्ये एका खास आयटम साँगमध्ये दिसणार असल्याची चर्चा आहे. बुलबुल आणि काला सारख्या चित्रपटात काम केलेली तृप्ती या आयटम साँगमधून दक्षिण चित्रपटसृष्टीत तिची भव्य एंट्री करण्यासाठी सज्ज झाली आहे. पहिल्या चित्रपटात समंथा प्रभूच्या आयटम साँगनंतर आता चित्रपटाच्या टीमने यावेळी तृप्तीला संधी दिली आहे.

दरम्यान, ‘पुष्पा 2’ हा ब्लॉकबस्टर पुष्पा: द राइजचा सिक्वेल आहे, ज्यामध्ये सुपरस्टार अल्लू अर्जुन पुन्हा एकदा पुष्पा राजची भूमिका साकारताना दिसणार आहे. पुष्पा 2: द रुल या वर्षी 15 ऑगस्ट रोजी जगभरातील चित्रपटगृहांमध्ये प्रदर्शित होत आहे. या चित्रपटात अल्लू अर्जुनसोबत रश्मिका मंदान्ना, फहद फासिल, सुनील आणि अनसूया हे कलाकार मुख्य भूमिकेत आहेत.