Pune Porsche Accident : पुण्यातील कल्याणीनगर भागात झालेल्या अपघात प्रकरणात आणखी एक नवीन अपडेट समोर आली आहे. या प्रकरणात मोठी कारवाई करण्यात आली आहे. नुकतेच ससून रूग्णालयातील 3 जणांचे निलंबन करण्यात आले आहे. ब्लड सॅम्पल बदलल्याप्रकरणी ही कारवाई करण्यात आली आहे.
या अपघात प्रकरणी अटकेत असलेल्या ससूनच्या कर्मचाऱ्यांवर ही निलंबनाची कारवाई करण्यात आली आहे. यामध्ये दोन डॉक्टर तर एका सफाई कर्मचाऱ्याचा समावेश आहे. तसेच यापैकी डॉ. अजय तावरे यांच्याकडून त्यांच्याकडे असलेला कारभार काढून घेण्यात आला आहे.
पोर्शे अपघातानंतर ससून रूग्णालयात ब्लड सॅम्पल बदलण्यात आले होते. याप्रकरणी ससूनमधील अतुल घटकांबळे, अजय तावरे आणि श्रीहरी हरनोळ या तिघांचं निलंबन करण्यात आलं आहे. आत संध्याकाळी या तिघांच्या निलंबनाचे पत्रक निघणार असल्याची माहिती समोर आली आहे.
