पुणे जिल्ह्यात गेल्या काही दिवसांपासून गुन्हेगारीच्या अनेक घटना घडत आहेत. पुण्यातील पोर्शे कार अपघात प्रकरण देशभरात गाजत आहे. त्यातच आता पुण्यातील राजगड येथे अत्यंत धक्कादायक घटना घडली आहे. जमिनीच्या वादातून २२ वर्षांच्या तरुणीला जमिनीत गाडण्याचा प्रयत्न करण्यात आला आहे. पुण्याच्या राजगड तालुक्यात कोंढवळे येथे हा धक्कादायक प्रकार घडला आहे.
कोर्टात प्रविष्ट असलेल्या प्रकरणात जमिनीचा बेकायदेशीर जमिनीचा ताबा घेण्यासाठी आलेल्या लोकांना २२ वर्षीय तरुणीने रोखण्याचा प्रयत्न केला. मात्र जेसीबीच्या साहाय्याने लोकांनी त्या तरुणीवर माती टाकली आणी तिला जमिनीत गाडण्याचा प्रयत्न केल्याचा आरोप त्यांच्यावर करण्यात आला आहे. या घटनेचा एक व्हिडीओ देखील समोर आला आहे. याप्रकरणी राजगडच्या वेल्हे पोलीस ठाण्यात तरुणीने तक्रार दाखल केली आहे. त्यामुळे कदाचित १० ते १२ जनावर गुन्हा दाखल होण्याची शक्यता आहे.
