कथित अश्लील व्हिडिओ प्रकरणी निलंबित जेडी(एस) खासदार प्रज्वल
रेवण्णा यांना विशेष कोर्टाने ६ दिवसांची कोठडी सुनावली आहे. आज या प्रकरणसासाठी
स्थापन करण्यात आलेल्या SIT पथकाने बंगलोर विमानतळावरून प्रज्वल
रेवण्णा यांना अटक केली. त्यानंतर त्यांना कोर्टात हजर करण्यात आले. सुनावणी
झाल्यानंतर कोर्टाने त्यानं ६ दिवसांची कोठडी सुनावली आहे.
दरम्यान सुनावणीदरम्यान एसआयटीने प्रज्वल रेवण्णा यांच्या १४
दिवसांच्या कोठडीची मागणी केली होती. मात्र लोकप्रतिनिधींच्या विशेष न्यायालयाचे
न्यायमूर्ती केएन शिवकुमार यांनी ६ दिवसांची कोठडी सुनावली आहे. मात्र कोठडीमध्ये
रेवण्णा यांच्या वकिलांना सकाळी ९ ते साडेदहा या वेळेत भेटण्याची परवानगी देण्यात
आली आहे.
लैंगिक शोषणाचा आरोप असलेले जेडीएसचे
निलंबित खासदार प्रज्वल रेवन्ना यांना पोलिसांनी शुक्रवारी (31
मे) सकाळी बेंगळुरूच्या केम्पेगौडा आंतरराष्ट्रीय विमानतळावरून अटक केली आहे. कर्नाटक पोलिसांच्या विशेष तपास पथकाला
(एसआयटी) प्रज्वल रेवन्ना भारतात येत असल्याची माहिती मिळताच कर्नाटक पोलीस
इमिग्रेशन अधिकाऱ्यासह विमानतळावर पोहोचले. त्यानंतर त्याला अटक करण्यात आली आहे.
