दिल्लीतील दारू घोटाळ्याप्रकरणी दिल्लीचे मुख्यमंत्री आज सरेंडर करणार आहेत. सुप्रीम कोर्टाने दिलेला जामीन आज संपत आहे. त्यामुळे केजरीवाल यांना आज तिहार जेलमध्ये सरेंडर करावे लागणार आहे. तिहार जेलमध्ये जाण्याआधी अरविंद केजरीवाल यांनी राजघाटावर जाऊन महात्मा गांधी यांच्या समाधीस्थळाचे दर्शन घेतले. त्यानंतर पक्षाच्या कार्यालयात जाऊन त्यांनी संबोधन केले. थोड्याच वेळात ते तिहार जेलमध्ये सरेंडर होणार आहेत. देशाला वाचवण्यासाठी जेलमध्ये जात असल्याचे केजरीवालांनी यावेळी सांगितले.
दरम्यान अरविंद केजरीवालांच्या जामीन याचिकेवर ५ जून रोजी सुनावणी होणार आहे. तेव्हाच त्यांना जमीन मिळणार की कोठडीतच राहावे लागणार याचा निर्णय होण्याची शक्यता आहे. दरम्यान दोन दिवसांपूर्वी केजरीवालांनी आपला एक भावुक व्हिडीओ शेअर केला आहे. दिल्लीचे मुख्यमंत्री अरविंद केजरीवाल यांनी आत्मसमर्पण करण्यापूर्वी एक व्हिडिओ संदेश जारी केला आहे. आपल्या संदेशात केजरीवाल म्हणाले, ‘मी कुठेही असलो तरी दिल्लीचे काम थांबणार नाही.मला सर्वोच्च न्यायालयात प्रचारासाठी २१ दिवसांचा जामीन दिला होता. उद्या २१ दिवस पूर्ण होत आहेत. मी परवा तुरुंगात जाईन. या वेळी हे लोक मला किती दिवस तुरुंगात ठेवतील माहीत नाही, पण माझी एक गोष्ट ऐका की, देशाला हुकूमशाहीपासून वाचवण्यासाठी मी तुरुंगात जाणार आहे.”
मुख्यमंत्री केजरीवाल दिल्लीच्या जनतेला म्हणाले, ‘स्वतःची काळजी घ्या. तुरुंगात मला तुझी खूप काळजी वाटते. तुम्ही आनंदी असाल तर केजरीवाल खुश. अर्थात मी तुमच्यामध्ये नसेन, पण काळजी करू नका. तुमची सर्व कामे चालू राहतील. मी कुठेही असलो, आत असो की बाहेर, दिल्लीचे काम थांबणार नाही. तुमची मोफत वीज, मोहल्ला क्लिनिक, हॉस्पिटल, मोफत औषध, उपचार, महिलांसाठी मोफत बस, प्रवास, २४ तास वीज, सर्व कामे सुरूच राहतील.
