आज (12 जून) चंद्राबाबू नायडू यांनी चौथ्यांदा आंध्र प्रदेशच्या मुख्यमंत्रीपदाची शपथ घेतली आहे. त्यांच्या शपथविधीला पंतप्रधान नरेंद्र मोदी उपस्थित आहेत. तर चंद्राबाबू नायडू यांचा हा शपथविधी विजयवाडा येथे होत आहे.
चंद्राबाबू नायडू यांच्यासोबतच तेलुगू चित्रपट स्टार पवन कल्याण यांनीही मंत्रीपदाची शपथ घेतली. मंगळवारी (11 जून) तेलुगू देसम विधिमंडळ पक्ष आणि एनडीएच्या घटक पक्षांनी नायडू यांची नेता म्हणून निवड केली. तर शपथविधी सोहळ्यात चंद्राबाबू नायडू यांनी पंतप्रधान नरेंद्र मोदी यांना मिठी मारली. याचा व्हिडीओ सध्या सोशल मीडियावर मोठ्या प्रमाणात व्हायरल होत आहे.
