आंध्र प्रदेशचे मुख्यमंत्री म्हणून तेलुगु देसम पार्टी (टीडीपी) प्रमुख एन चंद्राबाबू नायडू यांचा शपथविधी समारंभ आज पार पडला. यावेळी मेगास्टार चिरंजीवी आणि रजनीकांत या सोहळ्याला उपस्थित होते.

 चिरंजीवी आणि रजनीकांत विजयवाडा येथील केसरपल्ली आयटी पार्क येथील गन्नावरम मंडळातील समारंभात दिसले. या दोघांनी कार्यक्रमासाठी पांढरे पोशाख निवडले होते.

चिरंजीवी आणि रजनीकांत यांचे अभिनेते-राजकारणी नंदामुरी बालकृष्ण यांनी स्वागत केले.  ते तामिळनाडूचे माजी मुख्यमंत्री ओ पन्नीरसेल्वम यांच्याशी मंचावर संवाद साधताना दिसले.

तेलुगू देसम पक्षाचे (टीडीपी) सुप्रीमो एन चंद्राबाबू नायडू यांनी बुधवारी आंध्र प्रदेशच्या मुख्यमंत्रीपदाची शपथ घेतली. या सोहळ्याला पंतप्रधान नरेंद्र मोदी, केंद्रीय मंत्री अमित शहा, जेपी नड्डा, नितीन गडकरी आदी उपस्थित होते.

नायडू यांनी आंध्रचे मुख्यमंत्री म्हणून कार्यभार स्वीकारण्याची ही चौथी वेळ आहे  आंध्र विभाजनापूर्वी 1995 मध्ये नायडू पहिल्यांदा मुख्यमंत्री झाले आणि त्यांनी 2004 पर्यंत सलग नऊ वर्षे राज्याचे नेतृत्व केले. TDP सुप्रीमो 2014 मध्ये विभाजित आंध्रचे मुख्यमंत्री म्हणून परत आले आणि 2019 पर्यंत त्यांनी काम केले.

 नायडू यांचे पुत्र आणि टीडीपीचे सरचिटणीस नारा लोकेश, केंद्रीय मंत्री राममोहन नायडू आणि अभिनेते-राजकारणी नंदामुरी बालकृष्णही यावेळी उपस्थित होते. नायडू यांनी टीडीपी-भाजप-जनसेना राष्ट्रीय लोकशाही आघाडीच्या नेतृत्वाखाली विधानसभा तसेच संसदीय निवडणुकीत मोठा विजय मिळवला होता.

टीडीपी, जनसेना पक्ष आणि भाजप आमदारांच्या बैठकीत मंगळवारी आंध्र विधानसभेत नायडू यांची मुख्यमंत्रीपदासाठी एकमुखाने निवड करण्यात आली होती.