आज आंध्र प्रदेशमधील विजयवाडा येथे तेलुगू देसम पार्टी (TDP) चे प्रमुख चंद्राबाबू नायडू यांनी मुख्यमंत्रीपदाची शपथ घेतली. तर सुपरस्टार आणि राजकारणी बनलेले पवन कल्याण यांनी आंध्र प्रदेशचे कॅबिनेट मंत्री म्हणून शपथ घेतली. पक्षाने पवन कल्याण यांना उपमुख्यमंत्रिपद दिले आहे. तर पवन कल्याण यांनी उपमुख्यमंत्रीपदाची शपथ घेताच त्यांच्या चाहत्यांनी एकच जल्लोष केला.

पवन कल्याण यांनी उपमुख्यमंत्रीपदाची शपथ घेताच नागरिकांमध्ये आनंदाची लाट उसळली. यादरम्यान आता सोशल मीडियावर #PawanKalyanAneNenu हा ट्रेंड धुमाकूळ घालू लागला आहे.

यामध्ये पवन कल्याण यांच्या एका चाहत्याने #PawanKalyanAneNenu सह त्याच्या हँडलवर लिहिले की, या क्षणाची आपण सर्वजण वाट पाहत होतो. जनसेनेची ताकद दाखवूया. तर चाहत्याने त्याच्या पोस्टमध्ये स्टेजवरून पवन कल्याणला उद्देशून एक व्हिडिओ देखील जोडला आहे. तर दुसऱ्या चाहत्याने पवन कल्याण यांचा व्हिडिओ शेअर करत लिहिले, पवन कल्याण गरु आंध्र प्रदेशचे उपमुख्यमंत्री म्हणून तुमच्या नवीन भूमिकेबद्दल अभिनंदन. तुमचा कार्यकाळ प्रगती आणि यशाचा जावो.

https://x.com/Harinani_/status/1800786821842100459

तर एका चाहत्याने लिहिले की, पवन कल्याण हे आंध्र प्रदेश निवडणुकीचा खरा हिरो आहेत. ते आंध्र प्रदेशचा खरा हिरो आहेत.

https://x.com/PakkaMAARI/status/1800787382582870172

दरम्यान, लोकसभा निवडणूक 2024 आणि आंध्र प्रदेश विधानसभा निवडणुकीत ऐतिहासिक विजय मिळवून पवन कल्याण यांच्या जनसेना पक्षाने राजकीय मैदानात धुमाकूळ घातला आहे. पक्षाने सर्व जागा जिंकल्या आहेत. तर कल्याण यांची लोकप्रियता आणि काम लक्षात घेऊन त्यांना उपमुख्यमंत्री करण्यात आले आहे.