नुकताच अंबानी कुटुंबाने अनंत अंबानी आणि राधिका मर्चंटचा प्री-वेडिंग सोहळा मोठ्या थाटात साजरा केला. या प्री-वेंडिंग सोहळ्यात संपूर्ण बॉलिवूड इंडस्ट्री उपस्थित होती. तर आता या सेलिब्रेशनचे फोटो समोर आले आहेत. ज्यामध्ये अनन्या पांडे, जान्हवी कपूर, करण जोहर, करिश्मा कपूर, मनीष मल्होत्रा यांसारखे स्टार्स एकत्र दिसत आहेत.
मिळालेल्या माहितीनुसार, 29 मे रोजी दुपारच्या जेवणाने या प्री-वेडिंग सोहळ्याची सुरुवात झाली. त्यानंतर ‘स्टारी नाईट’ या थीमवर आधारित संध्याकाळचा उत्सव पार पडला. तर 1 जून रोजी पोर्टोफिनो, इटली येथे हा कार्यक्रम संपला.
सध्या या प्री-वेडिंग सोहळ्यातील काही खास फोटो सोशल मीडियावर व्हायरल होत आहेत. ज्यामध्ये एका फोटोत राधिका मर्चंट आणि अनंत अंबानी निर्माता करण जोहर, फॅशन डिझायनर मनीष मल्होत्रा, अभिनेत्री करिश्मा कपूर आणि दिग्दर्शक पुनित मल्होत्रा यांच्यासोबत दिसत आहेत.
तसेच एका फोटोमध्ये जान्हवी कपूर तिचा बॉयफ्रेंड शिखर पहाडियासोबत पोज देताना दिसत आहे. या फोटोत जान्हवीने गुलाबी रंगाचा गाऊन घातला आहे ज्यामध्ये ती नेहमीप्रमाणेच ग्लॅमरस दिसत आहे. तर तिचा प्रियकर शिखरने लाल मखमली कोट असलेला पांढरा शर्ट घालून तिच्या लूकला पूर्णपणे पूरक केले. तर या दोघांचा हा फोटो सध्या सोशल मीडियावर मोठ्या प्रमाणात व्हायरल होत असून चाहत्यांनी या फोटोला मोठ्या प्रमाणात पसंती दर्शवली आहे.
प्री-वेडिंग पार्टीच्या आणखी एका फोटोत, अनन्या पांडे तिची बालपणीची मैत्रिण शनाया कपूरसोबत खूप मस्ती करताना दिसत आहे. या फोटोत अनन्याने चमकदार गुलाबी ड्रेस परिधान केला आहे. तर शनाया पांढऱ्या रंगाच्या गाऊनमध्ये दिसली.
https://www.instagram.com/p/C8Lymbcq1Pw/?utm_source=ig_web_copy_link
दरम्यान, अनंत अंबानी आणि राधिका मर्चंटच्या प्री-वेडिंग फंक्शनला रणबीर कपूर, आलिया भट्ट, इब्राहिम अली खान, कियारा अडवाणी, सिद्धार्थ मल्होत्रा आणि दिशा पटानी यांसारख्या अनेक सेलिब्रिटींनीही हजेरी लावली होती.
