अयोध्येतील राम मंदिर (Ayodhya Ram Temple) उडवण्याची धमकी जैश-ए-मोहम्मद (Jaish-E-Mohammed) या दहशतवादी संघटनेने दिली आहे. दहशतवाद्यांनी राम मंदिर उडवण्याची धमकी दिल्याने एकच खळबळ माजली आहे.

आता या धमकीमुळे अयोध्या प्रशासन अलर्ट मोडवर आहे. या धमकीच्या पार्श्वभूमीवर राम मंदिर आणि विमानतळाच्या सुरक्षेत वाढ करण्यात आली आहे

दरम्यान, अयोध्येच्या सुरक्षेबाबत एसएसपी राज करण नय्यर म्हणाले की, अयोध्या धामची सुरक्षा व्यवस्था वेगवेगळ्या भागात विभागली गेली आहे. तसेच सुरक्षेसाठी पथके तयार केली जात आहे. त्याचबरोबर वरिष्ठ अधिकाऱ्यांच्या नेतृत्वाखाली चोख सुरक्षा बंदोबस्त ठेवण्यात आला आहे, विविध झोनमध्ये सुरक्षा कर्मचारी तैनात करण्यात आले आहेत.

तसेच जिल्हा पोलिसांव्यतिरिक्त पीएसीच्या अनेक कंपन्याही आल्या आहेत, पीएसी तैनात करून सुरक्षा व्यवस्था केली जात आहे. संरक्षित, सीसीटीव्ही कॅमेऱ्यांद्वारे संपूर्ण परिसरावर नजर ठेवली जात आहे ,अशी माहिती त्यांनी यावेळी दिली आहे.

ऑडिओ क्लिप द्वारे मंदिर उडवण्याची धमकी दिली गेली असून आता सुरक्षा यंत्रणांकडून या ऑडिओ क्लिपची तपासणी सुरू आहे