तुकाराम मुंढे हे नाव राज्याच्या प्रशासकीय व्यवस्थेत सतत चर्चेत राहणारे नाव आहे. आपल्या धडक आणि उत्तम कामगिरीसाठी चर्चेत असलेले प्रशासकीय अधिकारी तुकाराम मुंढे यांची पुन्हा एकदा बदली करण्यात आली आहे. तुकाराम मुंढे आणि बदली असे समीकरण गेल्या काही वर्षात आपण पहिले आहे. आता बदली होण्याआधी तुकाराम मुंढे हे पशुसंवर्धन आणि दुग्ध विकास विभागाचे सचिव होते. आता पुन्हा एकदा त्यांची राज्य सरकारकडून बदली करण्यात आली आहे.
२००५ च्या आयएएस बॅचचे अधिकारी असलेले तुकाराम मुंढे यांची आता विकास आयुक्त विभागाच्या सचिवपदी त्यांची नियुक्ती करण्यात आली आहे. तुकाराम मुंढे हे आक्रमक तसेच शिस्तबद्द अधिकारी म्हणून ओळखले जातात. मुंढे यांनी याआधी विविध पदांवर काम केलेले आहे. तुकाराम मुंढे यांच्या पदाचा कार्यभार राजेश कुमार यांच्याकडे सोपविण्यात आला आहे. प्रशासकीय सेवा मुख्य अपर नितीन सचिन गद्रे यांच्या सहिने तुकाराम मुंढे यांच्या बदलीचे आदेश काढण्यात आले आहेत.
