दिग्गज बेसबॉलपटू विली मेस (Willie Howard Mays Jr) यांचे वयाच्या ९३ व्या वर्षी निधन झाले. मंगळवारी त्यांनी अखेरचा श्वास घेतला. अनेक चाहते त्यांना बेसबॉलच्या इतिहासातील महान अष्टपैलू खेळाडू म्हणून ओळखत असत. ” से हे किड “, ह्या टोपण नावाने ओळखले जाणारे विली मेस हे अमेरिकन व्यावसायिक बेसबॉल क्षेत्ररक्षक होते .विली बेस यांच्या निधनाची घोषणा सॅन फ्रान्सिस्को जायंट्सने सोशल मीडियावर केली आहे.
बेसबॉल हॉल ऑफ फेमचा ते सर्वात जुने सदस्य असल्याचा दावा या घोषणेमध्ये करण्यात आला आहे. सॅन फ्रान्सिस्को जायंट्सचे अध्यक्ष आणि मुख्य कार्यकारी लॅरी बेअर यांनी सांगितले की, विली मेस पालो अल्टोमध्ये राहत होते आणि तिथेच त्यांनी जगाचा निरोप घेतला.त्यांनी आपल्या खेळाच्या कारकिर्दीमध्ये 660 होमर्स मारले होते आणि स्वतःला सर्वकालीन यादीत सहाव्या स्थानावर ठेवण्यात यश प्राप्त केले होते.
