पंतप्रधान नरेंद्र मोदी यांनी आज जगभरात 10 वा आंतरराष्ट्रीय योग दिन साजरा होत असताना देशातील लोकांना योगास त्यांच्या दैनंदिन जीवनाचा एक भाग बनविण्याचे आवाहन केले.पंतप्रधान मोदींनी आज श्रीनगरमधील शेर-ए-काश्मीर इंटरनॅशनल कॉन्फरन्स सेंटर (SKICC) येथे योगासनांमध्ये सहभाग घेतला.
त्यांनी देशातील सर्व लोकांचे आणि जगाच्या कानाकोपऱ्यात योग करणाऱ्यांचे अभिनंदन केले आणि गेल्या 10 वर्षांपासून जग एक नवीन योग अर्थव्यवस्थेचे साक्षीदार आहे असे सांगितले.
श्रीनगरमधील कार्यक्रमात बोलताना पंतप्रधान म्हणाले की, संयुक्त राष्ट्र संघात आंतरराष्ट्रीय योग दिन साजरा करण्याच्या भारताच्या प्रस्तावाला १७७ देशांनी पाठिंबा दिला होता.
“आज, काश्मीरच्या भूमीवरून, मी जगभरातील सर्वांना आंतरराष्ट्रीय योग दिनाच्या शुभेच्छा देतो ! दहा वर्षांपूर्वी, मी संयुक्त राष्ट्रांमध्ये आंतरराष्ट्रीय योग दिन साजरा करण्याचा प्रस्ताव ठेवला होता.भारताच्या प्रस्तावाला १७७ राष्ट्रांनी पाठिंबा दिला होता, हा एक विक्रम आहे. 2015 मध्ये दिल्लीतील कार्तव्यपथवर 35,000 लोकांनी एकत्र योगासन केले होते”. .
“आंतरराष्ट्रीय योग दिनानिमित्त, मला योग आणि ध्यानाची भूमी असलेल्या काश्मीरमध्ये येण्याचे सौभाग्य लाभले आहे. श्रीनगरमध्ये, योगामुळे आपल्याला मिळालेली शक्ती जाणवत आहे. काश्मीरच्या भूमीतून आंतरराष्ट्रीय योग दिनानिमित्त जगाच्या कानाकोपऱ्यात असलेल्या देशातील सर्व लोकांचे आणि प्रत्येक ठिकाणी योग करणाऱ्यांचे मी अभिनंदन करतो.असे पंतप्रधान मोदी म्हणाले आहेत. .
ते म्हणाले की, गेल्या 10 वर्षांत योगाच्या विस्तारामुळे योगाशी संबंधित धारणा बदलली आहे आणि जगाला एक नवीन योग अर्थव्यवस्था पुढे जाताना दिसत आहे.
“गेल्या 10 वर्षांमध्ये, योगाच्या विस्तारामुळे योगाशी संबंधित धारणा बदलली आहे. आज जग एक नवीन योग अर्थव्यवस्था पुढे जाताना पाहत आहे. ऋषिकेश आणि काशीपासून ते केरळपर्यंत, आपण योग पर्यटनाचा एक नवीन ट्रेंड उदयास येत आहे. जगभरातून लोक विशेषतः तरुण योग शिकण्यासाठी भारतात येत आहेत ”पीएम मोदी म्हणाले.
या वर्षीची थीम, “स्वयं आणि समाजासाठी योग,” अशी असून वैयक्तिक कल्याण आणि सामाजिक सौहार्द वाढवण्यामध्ये योगाच्या महत्त्वपूर्ण भूमिकेवर भर देण्यात आला आहे.
जम्मू-काश्मीर ही योगसाधनेची भूमी असल्याचे मोदी म्हणाले. योगाबद्दल लोकांमध्ये जागरुकता वाढली आहे. जागतिक नेते आता योगाबद्दल बोलत आहेत. योग हा पर्यटनातील नवीन ट्रेंड आहे. योगाबद्दल लोकांमध्ये जागरुकता वाढली असून योग करणाऱ्यांची संख्याही वाढली आहे. यासोबतच योग शिक्षकांची मागणीही वाढली आहे. योगामुळे सकारात्मकता वाढते. शांतता, आरोग्य आणि विकासासाठीही योग महत्त्वाचा आहे. यावेळी कार्यक्रमात मोठ्या संख्येने नागरिक सहभागी झाले होते. दरम्यान, मोदींनी तेथे उपस्थित लोकांशी संवादही साधला.
