सध्या टी-२० वर्ल्ड कप स्पर्धा सुरु आहे. अमेरिका आणि वेस्ट इंडिज या ठिकाणी ही स्पर्धा सुरु आहे. सध्या या स्पर्धेत सुपर ८ चे सामने सुरु झाले आहेत. दरम्यान आज सुपर ८ मध्ये भारत विरुद्ध बांगलादेश असा सामना होणार आहे. भारताने सुपर ८ मधील पहिला सामना अफगाणिस्तानविरुद्ध जिंकला आहे. त्यामुळे आजचा सामना जिंकल्यास भारतच सेमीफायनलमध्ये पोहोचण्याचा मार्ग सोपा होऊ शकतो.
तर दुसरीकडे सुपर ८ मधील पहिल्या सामन्यात बांगलादेशने ऑस्ट्रेलियाविरुद्ध पराभव स्वीकारला होता. त्यामुळे स्पर्धेतील आव्हान टिकवून ठेवण्यासाठी बांगलादेश देखील आज प्रयत्नशील असेल. वेस्ट इंडिजमधील सर विवियन रिचर्ड्स स्टेडियममध्ये खेळवला जाणार आहे. दुसरीकडे भारत देखील आतापर्यंत सर्व सामने जिंकला आहे. त्यामुळे आजचा सामना देखील जिंकून भारत सेमीफायनलचे तिकीट मिळविण्यासाठी मैदानात उतरणार आहे.
सध्या वेस्ट इंडिजमध्ये थोडेसे पावसाळी वातावरण असल्याचे आजच्या सामन्यावर काहीसे पावसाचे संकट आहे. दरम्यान हा सामना भारतीय वेळेनुसार आज रात्री ८ वाजता सुरु होणार आहे. आजच्या सामन्यात कोण विजय होते हे पाहणे महत्वाचे ठरणार आहे.
