आज टी-२० वर्ल्ड कप मध्ये भारत विरुद्ध ऑस्ट्रेलिया असा अत्यंत महत्वाचा सामना होणार आहे. सुपर ८ मध्ये आज हा सामना होणार आहे. भारताने सुपर ८ मधील दोन्ही सामने जिकंले आहेत. तर ऑस्ट्रेलियाने २ पैकी एक सामने जिंकले आहेत. ऑस्ट्रेलियाला अफगाणिस्तानविरुद्ध हार पत्करावी लागली आहे. आज भारत जिंकल्यास भारत सेमीफायनलमध्ये पोहोचणार आहे. तर ऑस्ट्रेलियाला जिंकण्यासाठी आज भारताला हरविणे आवश्यक असणार आहे.
रोहित शर्माचा संघ आज औट्रेलियाविरुद्ध जिंकण्यासाठी मैदानात उतरणार आहे. आज जर भारत जिंकला तर ऑस्ट्रेलियाचे आव्हान संपणार आहे. असे झाल्यास भारताचे पुढील स्पर्धेतील मार्ग सोपा होण्याची शक्यता आहे. भारत ऑस्ट्रेलिया सामन्याकडे सर्व रसिकांचे लक्ष लागलेले असते. महत्वाच्या सामन्यांमध्ये ऑस्ट्रेलियाचा संघ वरचढ ठरत आला आहे. आजचा सामना जिंकून भारत २०२३ मधील फायनलचा बदला घेण्यासाठी उत्सुक आहे. त्यामुळे आजचा सामना दोन्ही संघांसाठी महत्वाचं असणार आहे.
